ԼՈՒՐԵՐ: Թվեր և փաստեր Հայաստանից
«Նաիրի» բժշկական կենտրոնում կրծքագեղձի քաղցկեղի հեռացում և պլաստիկ, վերականգնողական վիրահատություն` միաժամանակ. nairimed.com
«Նաիրի» բժշկական կենտրոնի բազմաֆունկցիոնալ հնարավորությունները թույլ են տալիս իրականացնել ժամանակակից բարդ միջամտություններ: Վերջին տարիներին այստեղ իրականացվում է կրծքագեղձի քաղցկեղի հեռացում և պլաստիկ, վերականգնողական վիրահատություն` միաժամանակ:
Այս առիթով զրուցեցինք «Նաիրի» ԲԿ պլաստիկ և դիմածնոտային վիրաբուժության ծառայության ղեկավար Հայկ Ենոքյանի հետ
- Հայաստանում առաջնային քաղցկեղ հայտնաբերվում է բավականին հաճախ: Կանանց մոտ առաջին տեղում կրծքագեղձի քաղցկեղն է: Հետևաբար, դա լուրջ խնդիր է և՛ բժշկական, և՛ բարոյահոգեբանական, և՛ սոցիալական տեսանկյունից: Երբեմն երիտասարդ կինը ստիպված դիմում է կրծքագեղձի վիրահատությամբ` հեռացման, ինչը նրա համար մեծ խնդիր է: Ուստի ցանկալի է կրծքագեղձն առավելագույնս պահպանել:
Այդ պատճառով «Նաիրի» բժշկական կենտրոնում մենք՝ պլաստիկ վիրաբույժներս, շատ ակտիվ համագործակցում ենք ուռուցքաբանների հետ: Մեզ մոտ իրականացվում է թիմային բարձրակարգ աշխատանք: Փորձում ենք երկու ծառայության համատեղման արդյունքում (քաղցկեղի հեռացում և կրծքագեղձի պլաստիկա), մեկ վիրահատության շրջանակում, բուժել կնոջը և, միաժամանակ, պահպանել էսթետիկ տեսքը: Այդպիսով, կարողանում ենք կանանց ազատել հետագայում բավականին բարդ խնդիրներից և՛ ֆիզիկական, և՛ բարոյահոգեբանական:
Վիրահատական միջամտությունից հետո կազմակերպվում է նաև հիվանդի քիմիաթերապիան:
Ներկայում մեր ուռուցքաբանները քաղցկեղի վիրահատության ժամանակ կարողանում են առավելագույն կետային աշխատանք կատարել, այսինքն, մեծավ մասամբ, ստիպված չեն լինում հեռացնել ամբողջ կուրծքը:
Վաղ ախտորոշման դեպքում հաջողվում է պահպանել կրծքագեղձի մեծ մասը և, հետևաբար, նաև էսթետիկ կողմը: Նույնիսկ այն դեպքերում, երբ կրծքագեղձը, փաստացի, անհնար է պահպանել և այն վերականգնելու խնդիր է առաջանում, միջամտությունն իրականացվում է նույն վիրահատության շրջանակում: Դա շատ կարևոր է, քանի որ կրծքի վերականգնման համար լրացուցիչ վիրահատություն չի կատարվում:
Նման համատեղ վիրահատությունը հրաշք կարելի է համարել: Նախկինում կինը ո՛չ միայն զրկվում էր կրծքագեղձից, այլ կրծքագեղձի տեղում մնում էր մեծ սպի, որը հոգեբանականից խնդիրներց զատ, առաջ էր բերում նաև վերին վերջույթի ֆունկցիոնալ լուրջ խնդիրներ:
Մոսկվայում հերթական վերապատրաստման, փորձի փոխանակման ժամանակ շփվեցինք արտերկրի բազմաթիվ հեղինակավոր մասնագետների հետ, որոնց կողմից մեր վարման նոր մոտեցումերը (կրծքագեղձը հեռացնելիս` միաժամանակ նաև վերականգնել այն) հավանության արժանացան: Ամբողջ աշխարհն արդեն առաջնորդվում է այս տարբերակով:
Մեր կլինիկան այս համատեղ վիրահատության իրականացման 15 տարվա փորձ ունի, ինչը հնարավորություն է ընձեռել նաև բժշկական արդյունաբերությունը. մեզ հասանելի են դարձել կրծքագեղձի իմպլանտները:
Քանի որ գործող ուղեցույցների համաձայն անպայման կատարվում է մամոգրաֆիկ հետազոտություն, քիչ չեն դեպքերը, երբ դիմում են պլաստիկ միջամտության համար, բայց հայտնաբերվում է նորագոյացություն: Բարեբախտաբար, նման դեպքերում, մեծավ մասամբ, ուռուցքները բարորակ են, և պլաստիկայի ժամանակ, նախ, գոյացությունն է հեռացվում` հետագայում բարդություններից խուսափելու համար:
Մեր կլինիկայում իրականացվում են նաև կրծքագեղձի բոլոր տեսակի պլաստիկ վիրահատությունները: Իհարկե, ցանկալի է, որ պացիենտը մեզ դիմի զուտ էսթետիկ ծառայություն ստանալու համար՝ կրծքի չափի մեծացում կամ փոքրացում, կախված կրծքերի բարձրացում և այլն, այլ ոչ ուռուցքային հիվանդության ախտորոշմամբ:
Կարդացեք նաև
«Որակն առողջության գրավականն է» խորագրով միջոցառումն առիթ էր գնահատելու բուժքույրերի, մանկաբարձների, դեղագետների, ինչպես նաև երկար տարիներ...
Սույն թվականի մարտ ամսին «Արմենիա» ՀԲԿ վիրաբուժական բաժանմունք էր ընդունվել 32-ամյա տղամարդ՝ պարանոցի առաջային մակերեսի ուռուցքանման գոյացության կապակցությամբ...
Սմարթֆոններով անդադար թերթվող տեղեկատվությունը, արտաքին գործոնները բացասաբար են ազդում մեր հիշողության և ուշադրության կենտրոնացման վրա...
«Ավան» հոգեկան առողջության կենտրոնում բացվեց վերանորոգված ու վերազինված արտահիվանդանոցային բաժանմունքը...
Գիտական խորհրդի հերթական նիստն անցկացվեց ապրիլի 30-ին: Առանցքում էր Կլինիկական աշխատանքների գծով պրոռեկտոր Արմեն Մինասյանի տարեկան հաշվետվությունը...
«Նաիրի» բժշկական կենտրոնի վիրաբույժներին հաջողվել է լապարոսկոպիկ եղանակով հեռացնել փայծաղային զարկերակի մեծ անևրիզմը՝ պահպանելով պացիենտի փայծաղը...
Իմունականխարգելման եվրոպական շաբաթվա շրջանակում ԵՊԲՀ-ում Առողջապահության համաշխարհային կազմակերպության մասնակցությամբ և Կարիերայի կենտրոնի...
Առողջապահական ծառայությունների որակի բարելավման ռազմավարական փորձարարական ծրագիրն արդեն ներդրվել է հանրապետության մի քանի բժշկական կենտրոնում...
Երևանում մեկնարկել են «Հայաստանյան արագ արձագանքման բժշկական թիմի» (ՀԱԱԲԹ) 15-օրյա վերապատրաստման դասընթացները...
Ապրիլի 16-ին Մոր և մանկան առողջության պահպանման գիտահետազոտական կենտրոնում տեղի ունեցավ «Շարակցական հյուսվածքի համակարգային հիվանդություններ...
Երևանի 7 վարչական շրջանում մեկնարկել է «Ավագ սերնդի շրջանում ֆիզիկական ակտիվության խթանման» հանրային արշավը...
Նկարում Սերինեն է, ծնվելուց հետո 90 օր գտնվել է Էրեբունի ծննդատան նորածնային բաժանմունքում: Նա ծնվել է հղիության 25-րդ շաբաթում...
«Էրեբունին» հանրապետությունում որպես խոշոր, բազմապրոֆիլ և առաջատար բժշկական կենտրոն մշտապես արդիականացվում է, վերազինվում գերժամանակակից սարքավորումներով...
«Էրեբունի» բժշկական կենտրոնի վերակենդանացման բաժանմունք էր ընդունվել ծայրահեղ ծանր վիճակում, կրիտիկական ցուցանիշներով՝ գրեթե անգիտակից, բարձր ջերմությամբ...
Warning: mysqli::query(): (HY000/1): Can't create/write to file '/var/tmp/MY52fc7x' (Errcode: 28 - No space left on device) in /sites/med-practic.com/classes/DatabaseManager_2.1.php on line 1403